الله يقلعها بنت تتحرش فيني والله أذتني واشتكيت للهيئة ....

السلام عليكم

رن الجوال .

الرقم ما اعرفه .

ألو ...

هي : بصوت غنج واضح : اهلا كيف الحال ؟

أنا : بصوت خشن نعم من تبين ؟

هي : آسفه يمكن غلطانه !

أنا : حصل خير (وسمعتها صوت القطار ) طوط طوط طوط يعني قفلت السماعة .

تن تن تن رسالة قلت اكيد هذه مفكرة الإسلام وخبر عاجل مثل عشرات الأخبار العاجلة في اليوم منهم .

وإذا بي بهذه الرسالة نصا :

يا شين اسلوبك في شي اسمه أدب موتقفل بوجهي وأنا اتكلم بغيت إتصم إذني

صراحة قلت وش تبي ذي يا الله مساء خير .

بعدين بعد مدة تن تن تن رسالة اخرى .

كتبت كلام ما ادري يحتاج حل كلمات متقاطعة ولكن الي يخصني أنها كتبت .

يطلع منك يا حلوك

وحلو غلطتي هههههاي..!

هنا توقفت وقلت هذي شكلها أذية وما تستحي وإذا بها تتصل وفتحت السماعة ابي اسمعها كلام ما سمعته :

بغيت اقول أنتي ما عندك اخوات ؟ ما تخافين على بنتك مستقبلا !

بس تذكرت انها تنقال للمغازل هذي بنت تغازل وين رايح يا ابو الشباب .

تواردت افكار كثيرة منها اهددها بالهيئة المهم رديت وقلت خير نعمممم

وإذا بجهاز الإتصالات يقول هذه المكالمة ستكون على حسابك اضغط * قلت الله يقلعها تتحرش ومفلسة بعد !

صكيت بوجهها .

ولا فيه فايدة صارت تتصل على مدار اليوم وفي انصاف الليالي الساعة 2 وثلاث ليلا وانا بطبعي لا أغلق الهاتف .
اقوم واتحسب عليها وكل ما رديت ابعطيها الساخن يطلع لي راعي الإتصالات المكالمة على حسابك اضغط *

نمت وخليتها الله لا يردها .

لم توقف الاتصالات وأزعاج بشكل كبير أرسلت لها رسالة أن تتوب إلى الله وقلت انا نيجيري سواق شيوخ وطبيتي غلط اتركيني في حالي .

والإزعاج مستمر والله يا اخوة ازعاج في وسط الليل وأغلقت الجوال .

في اخر الأمر رديت على حسابي قلت ما تخافين الله انتِ ؟ ما لك اهل ؟ (بصراحة عجزت اتبرمج على نصح امرأة تغازل لازم اذكرهم أن لهم اهل ) ما تستحين وش بلاك علي ترى بأدعي عليك (مسوي الخضر عليه السلام) .

وسمعتها صوت القطار طوط طوط .

وبعدين كلمت احد شباب الهيئة وقلت له اليوم عندي قضية غير فيه وحدة تتحرش فيني والله أذتني يا اخي وش السوات وربي أن الوضع انقلب رأس على عقب صرنا نشتكي من تحرش البنات هل هذا معقول ؟

طبعا قال لي سوف نتخذ اجراء أولي بالنصح وإن كلمتك أكتب خطاب ! وسنحاول الوصول لها قلت بس استرو علي لا يعرف احد الخبر

انقلبت الموازين .

بعدين الأخ يمون قلت يا اخي تأكدوا اذا مسكتوها ما يكون لي صور عندها في الجوال لأن جرئتها غريبة وأخاف تهددني بعدين الله يقلعها بنت تتحرش فيني والله أذتني واشتكيت للهيئة .... D667d574d4

الله يقلعها بنت تتحرش فيني والله أذتني واشتكيت للهيئة .... D667d574d4

فيظهر ان الأخ بطريقتهم يكلمونها من المركز عدة اتصالات وإذا اعادت الإتصال تسمع : السلام عليكم ورحمة الله وبركاته هيئة الأمر بالمعروف النهي عن المنكر بالرياض قسم القضايا اضغط 3 قسم البلاغات اضغط رقم 5 ............

طبعا بعدها ما كلمتني أبدا والحمد لله هذا ثالث يوم ما أذتني .

هذه احد فوائد الهيئات فقط سماع السنترال واسمها كأنك قريت عليها واخرجت الجن الله يقلعها بنت تتحرش فيني والله أذتني واشتكيت للهيئة .... Bye1

الله يقلعها بنت تتحرش فيني والله أذتني واشتكيت للهيئة .... Bye1

الموضوع ليس فقط تسلية أو نقل قصة لكن هذه راب محاولة تحرش من قبل البنات لأن قبلها واحدة امتحان بعد كل صلاة عشاء تتصل وتقول انتظرك على العشاء بسرة تعال قلت غلطانه قلت لا متأكدة واعرفك بسرعة تعال ! واسمعهصوت القطار طوط طوط وجلست على الوضع 3 ايام.

وبعدها واحدة تدق وتصك وتدق وتصك ولا اتصل بها ومرة دقت وواصلت ورديت واسمع صو بنات كثير كأنه في عزيمة أو عرس المهم تقول انت ما تستحي ! الله يقلعها بنت تتحرش فيني والله أذتني واشتكيت للهيئة .... A5baa0eb11

الله يقلعها بنت تتحرش فيني والله أذتني واشتكيت للهيئة .... A5baa0eb11

اتصل فيني ما تشوفني ادق واصك !

قلت لها غلطانة قالت ما عليه دق علي عمى يعميك الله يقلعها بنت تتحرش فيني والله أذتني واشتكيت للهيئة .... Fe8cdbe07f

وتصك بوجهي .

وتدق وتصك وعلى هذا الحال يومين لكنها شكلها من النوع الي تنام بدري ما تدق بالليل .

شيء مقرف والله الآن أنا ما استحي ؟ وتدعي علي !؟

والأخيرة كانت اكبر امتحان بسبب كثرة الإتصالات باليل والنهار ما هو السبب في ما يحصل ؟

أين التربية ؟

هل هن فاقدات للحنان والكلام المعسول ؟

أو عدم التزويج هو السبب ؟

أو هي محاولة ابتزاز مادي فقط والبحث عن غبي او خروف يستخدمونه للصرف عليهن .

اتمنى أن يتفاعل الكتاب في معرفة الحلول وما هي الأسباب وكيفية العلاج والوقاية .

يعني كيفية العلاج لتفادي أن يخرج لنا جيل من البنات بهذه البجاحة وقلة الحياء وانعدام الأخلاق .

وتحيات اخوكم الاسد

قصة جميلة اذا كانت واقعية جزاك الله خيرعلى ما فعلت والله يستر علينا وعلى حريمنا واذا كانت قصة من واقع الخيال اتمنى من جيل الشباب تكون لهم درس والرجوع الى الله في هذه الساعة الشيطانية وتذكروا بأن لكم خوات ولا ترضوا لاحد ان يتسلى معهم او يلعب بمشاعرهم ويضحك عليهم

القصة ممكن ان تكون من الواقع ولكنها نادرة الحدوث لان الفتاة بطبيعتها تحب ان تكون هي المقتنصة ويتبعها الشاب لا ان تتبعه . واسباب مثل هذه الحالات هو الكبت الزائد عن الحد وعدم الشعور بالحنان من قبل الاهل خصوصا من الاب والاخوة فتلجا الى من يسد عنها الفراغ العاطفي

» رحمة الله الواسعة
» سجل حضورك اليومى بالصلاة على رسول الله